Тоглоомын амин сүнс

SPIRIT OF THE GAME

Тоглоомын амин сүнс (Spirit of the Game) нь нисдэг таваг спортын хамгийн чухал суурь зарчим бөгөөд шударга тоглолт, харилцан хүндлэл, шударга өрсөлдөөн, эерэг харилцааг эрхэмлэдэг. Энэ нь шүүгчгүй тоглогддог онцгой спортын соёлыг бүрдүүлж, тамирчдад ёс зүй, манлайлал, хамтын ажиллагааг хөгжүүлэх боломжийг олгодог.

Тоглоомын амин сүнсний үндсэн зарчмууд

Дүрмийн мэдлэг

(Rules Knowledge) Дүрэм зөрчигдсөн тохиолдолд шударга, тайван байдлаар хэлэлцэж, зөв шийдэлд хүрэх. Дүрмийн мэдлэгээ тогтмол сайжруулж, залуу тоглогчдод зөв үлгэр дууриал үзүүлэх.

Контактаас зайлсхийх

(Avoiding Body Contact) Ултимэйт фризби нь контактгүй спорт тул тоглогчид хяналттай тоглох хэрэгтэй. Контактыг багасгаж, хурд, тактикийн оновчтой байдлыг эрхэмлэх. Хэрэв мөргөлдвөл тухайн нөхцөл байдлыг шударгаар дүгнэж, ойлголцох.

Шударга сэтгэл

(Fair-mindedness) Шийдвэр гаргахдаа зөвхөн өөрт ашигтай байдлыг харгалзан үзэхээс зайлсхийх. Хожил, хожигдлоос үл хамааран шударга тоглолтыг нэн тэргүүнд тавих.

Эерэг хандлага

(Positive Attitude) Тоглолтын туршид эерэг уур амьсгал бүрдүүлж, бусдыг урамшуулж, тоглолтыг хөгжилтэй, найрсаг байлгах. Багийн дотор болон өрсөлдөгч багтайгаа эерэг, нөхөрсөг харилцаатай байх.

Харилцаа

(Communication) Маргаантай асуудлыг тайван, тодорхой байдлаар хэлэлцэж, харилцан ойлголцолд хүрэх. Тоглолтын явцад ойлголцол, уялдаа холбоог сайжруулахын тулд үр дүнтэй харилцахад суралцах.

Спирит тойрог

Тоглолтын дараа багууд тойрч суун эсвэл зогсож тухайн тоглолтын талаар харилцан ярилцах үйл явцыг нэрлэнэ.

Хамтдаа сайжрах

Энэ нь багуудын хоорондын харилцааг гүнзгийрүүлж, тоглолтын туршид үүссэн нөхцөл байдлыг тайлбарлах, хамтдаа сайжрах боломжийг олгодог.

Гол зорилго

- Өрсөлдөгч багийн тоглолтыг үнэлэх

- Хүндэтгэлтэй бөгөөд нээлттэй яриа өрнүүлэх

- Багуудын харилцааг бэхжүүлэх

- Тоглолтын эерэг уур амьсгалыг хадгалах

Энэ үйл явц нь уламжлалт багийн спортын ялахын төлөө бүхнийг хийх сэтгэхүйгээс ялгаатай, ялагч, ялагдагч гэсэн ойлголтоос илүүтэйгээр, хамтдаа суралцах, сайжрах, спортыг цэвэр байлгаж, тухайн бүрдүүлсэн орчиндоо тамирчдыг өрсөлдүүлэх зорилготой. 

Ултимэйт фризби бол зөвхөн хурд хүч, стратегиар ялгардаг спорт биш. Энэ бол шударга ёс, харилцаа, хүндэтгэл дээр суурилсан тоглоом бөгөөд үүнийг "Тоглоомын амин сүнс" тодорхойлдог билээ.