СУРАЛЦЪЯ
Шидэж суръя
Олон төрлийн шидэх техник байдгаас хамгийн түгээмэл гурав нь backhand, forehand, overhand шидэх техник.
Backhand шидэлт
Гарын нугалаас дотор байрлаж, тохойгоороо түлхэж шидэх техник. Хамгийн түгээмэл шидэлт.
Барилт
Долоовор хуруугаа дискийн ирмэгийн доор байрлуулж, тогтвортой атгах ба эрхий хуруугаа дээр нь дарж тогтооно. Барилт хэт сул биш, гэхдээ чанга ч биш байх ёстой.
Биеийн байрлал
Мөрний хэмжээтэй зайд зогсож, өвдгөө бага зэрэг нугална. Шидэлт хийхдээ биеэ эргүүлж, шидэх гараа онилох чиглэлдээ мөрөөрөө чиглүүлнэ.
Шидэлт
Шидэхдээ бугуйгаа бие рүүгээ нугалан, дискээ тэгш байлгах хэрэгтэй. Диск гарны шуунд хөнгөн хүрэх хүртэл бугуйгаа нугална. Дараа нь гарын шидэх хөдөлгөөнийг биедээ ороож, эсрэг гар руу чиглүүлнэ. Дараа нь урагш алхаж дискээ чиглүүлэн шиднэ.
Forehand шидэлт
Гарын алгыг урагш харуулж, бугуй болон тохойгоор хүч өгч шидэх техник. Илүү хяналттай, хүчтэй шидэлт хийхэд тохиромжтой.
Барилт
Дунд хурууны өндгийг дискний ирмэгийн дотор талд байрлуулж, долоовор хуруугаа дээр нь давхарлан барина. Эрхий хуруугаар гадна талаас нь дарж атгана.
Биеийн байрлал
Бай руугаа эгц чиглэн харж, диск барьсан гар талынхаа өвдөгийг нугалж зогсоно. Шидэлтийг эхлүүлэхдээ мөрөө эргүүлж, диск барьсан гараа арагш татна.
Шидэлт
Шидэхдээ гараа араас урагш савж, дунд болон долоовор хуруугаар түлхэнэ. Диск гараас гарах үед бугуйг эргүүлж өгөх нь дискний эргэлтийг нэмэгдүүлнэ.
Гарын авлага татаж авах
Дэлхийн нисдэг тавагны холбооноос эрхлэн гаргасан фризбийн спортыг сургуульд танилцуулах нь гарын авлага
Манай инстаграм хуудсыг дагаж
диск шидэх, спортын боловсролтой холбоотой мэдээлэл, холбооны үйл ажиллагааны мэдээллийг аваарай.
Өөрийн гэсэн дисктэй болоорой
Манай холбооноос 10 жилийн ойдоо зориулж загварыг нь гаргасан "Fly like the wind" нэрийн диск нь 175гр жинтэй, стандарт хэмжээтэй.
ТОГЛОЖ СУРАХЫГ ХҮСВЭЛ
Дулааны улиралд бид тогтмол цуглаж нээлттэй бэлтгэл хийдэг бөгөөд хэзээ хаана цуглахаа өөрсдийн нийгмийн сүлжээ хаягуудаар зарладаг.