Эрүүл өрсөлдөөнтэй, шударга, эв нэгдэлтэй спортын төлөө
- Тамирчдын ур чадварын өсөлт – Тамирчны урт хугацааны хөгжлийн (LTAD) загварыг баримталж, бүхий л насны тамирчдын бие бялдар, сэтгэл зүй, тактик, мэдрэмжийг хөгжүүлэх.
- "Тоглоомын амин сүнс" зарчмыг эрхэмлэх – Шүүгчгүй тоглолтын онцлогийг хадгалж, шударга тоглолт, харилцан итгэлцэл, хүндэтгэлийг түгээн дэлгэрүүлэх.
- Олон нийтийн оролцоо – Фризби спортыг сургууль, их дээд сургууль, олон нийтийн төвүүдэд хүргэж, хүн бүрт тэгш боломж олгох.
- Олон улсын стандарт, хамтын ажиллагаа – Олон улсын фризбийн холбоотой (WFDF) нягт хамтран ажиллаж, тамирчдыг олон улсын тэмцээнд бэлтгэх, Монгол Улсын нэр хүндийг дэлхийн тавцанд өргөх.
- Олон төрөлт спортын хөгжлийг дэмжих – Фризби спортыг бусад спортын хамтаар хөгжүүлэх замаар тамирчдын олон талт ур чадварыг дэмжих.
- Шударга тоглолт ба хүндлэл – Бид спортын ёс зүйг чанд баримталж, бүх түвшний тоглогчдыг харилцан бие биенээ хүндэтгэх орчин нөхцлийг бүрдүүлэх.
- Нээлттэй ба хүртээмжтэй орчин – Хүн бүрийг фризби спортоор дамжуулан өөрийгөө илэрхийлэх, хөгжүүлэхэд нь дэмжлэг үзүүлнэ.
- Нийгэмд эерэг нөлөө үзүүлэх – Бидний спорт зөвхөн биеийн хүчний өрсөлдөөн бус, харилцаа, багийн ажиллагаа, манлайлал, олон нийтийн сайн сайхны төлөөх үйл ажиллагааны нэг хэсэг байх ёстой.
Бидний Этос буюу философи
Дисктэй спортын гол онцлог болох Spirit of the Game буюу "Тоглоомын амин сүнс" нь бидний үнэт зүйлс, ёс зүйг тодорхойлдог. Бид тамирчдыг зөвхөн өрсөлдөгч бус, хамтдаа хөгжих түнш гэж үзэж, шударга, эрүүл өрсөлдөөнийг эрхэмлэнэ.
Монголын Фризбийн Холбоо нь тамирчны урт хугацааны хөгжлийн загвар (LTAD)-ыг баримталж, тамирчдыг бага наснаас нь эхлэн бие бялдар, оюун санаа, ёс суртахууны хувьд бүрэн төлөвшихөд чиглүүлнэ. Бид олон төрлийн спорт, хөдөлгөөнийг дэмжиж, тамирчдыг олон талт, эрүүл хөгжлийг бий болгоход туслахын төлөө бусад спортын төрлийн клуб, холбоодтой хамтрах ажиллах нээлттэй байх болно.
Монголын фризбийн холбоо
Дискний спорт нь дэлхий даяар хурдацтай хөгжиж буй, олон төрлөөр тоглогддог спорт юм.
1930-д онд зохион бүтээгч Валтер Фредрик Моррисон бялууны суурийг шидэж тоглосноор тус спортын үүсэл эхэлсэн бөгөөд Дэлхийн хоёр дугаар дайны дараа 1948 онд хамтрагчдын хамт пластик материалтай дискүүдээ үйлдвэрлэж эхэлжээ. 1957 онд тоглоом үйлдвэрлэгч "Wham-O" компанид эрхээ зарснаар Фризби нэрээр худалдаалагдах болсон.
"Тоглоомын амин сүнс" нь дискний спортын гол үнэт зүйл
Энэ нь спортын ёс зүй, харилцаа, өөрийгөө хянах чадвар, шударга сэтгэлгээ, зөрчлийг зохицуулах чадварыг онцолдог. Дискний спортод "Тоглоомын амин сүнс" зарчмыг нэвтрүүлснээр хүүхдүүдийн нийгэм-сэтгэл зүйн ур чадварыг хөгжүүлж, зөвхөн багийнхантайгаа төдийгүй өрсөлдөгч багтайгаа хамтран ажиллахын чухлыг онцолдог.
Хэрэгсэл, тоглох орчны хүртээмж
Фризби спортоор тоглоход шаардлагатай хэрэгсэл нь хямд, авч явахад хялбар, хүртээмжтэй байдаг. Мөн энэ спорт нь олон төрлийн орчинд тоглох боломжтой бөгөөд үүнд заал, гадаа талбай, хөлбөмбөгийн ногоон болон элстэй талбай зэрэг орно. Энэ нь фризбийг аливаа хамт олон, хүүхэд, залууст танилцуулахад тохиромжтой спорт болгож байна.
Контакт багатай
Фризбийн спортууд, ялангуяа Ултимейт фризбигийн онцлох шинж чанаруудын нэг нь тоглогчид бие биедээ контакт учруулахыг хориглодог. Энэ нь тоглогчдын аюулгүй байдал болон хувийн орон зайг хүндэтгэх зарчмыг хангадаг.
Дисктэй спортын хэд хэдэн төрөл байдаг бөгөөд Монгол улсад ултимэйт фризби, диск гольф хөгжиж байна.
Ултимэйт Фризби
Диск гольф
Гатс фризби
Олон төрөлт тэмцээн
Элсний фризби
Фризби фристайл
